അഗ്നി ശമന സേനാ വിഭാഗവും വ്യവസായവും

വ്യവസായ സംരംഭങ്ങള്‍ക്കാവശ്യമായ ലൈസന്‍സുകളില്‍ പെട്ടയൊന്നാണ് അഗ്നിശമന വിഭാഗത്തില്‍ നിന്നുള്ളത്.

ഏതൊക്കെ വ്യവസായങ്ങള്‍ക്കാണ് ക്ലിയറന്‍സ് ആവശ്യമുള്ളത്

1.       സ്പോടക വസ്തുക്കള്‍

2.       കരി മരുന്നുകള്‍

3.       വെടിയുപ്പ്

4.       സ്പിരിറ്റ് അടങ്ങിയ ഉല്‍പ്പന്നങ്ങള്‍

5.       ഗന്ധകം

6.       ഓട് ഫാക്ടറികള്‍

7.       എല്‍ പി ജി ഉപയോഗിക്കുന്ന വ്യവസായങ്ങള്‍

8.       ഓല മേഞ്ഞ കെട്ടിടങ്ങളോട് കൂടിയ ഫാക്ടറി കെട്ടിടങ്ങള്‍

9.       തീപ്പെട്ടി

10.    അമ്ല നിര്‍മ്മാണം

എങ്ങനെ അപേക്ഷിക്കണം

അതാത് പഞ്ചായത്തിന്‍റെ ആമുഖത്തോടും സൈറ്റ് പ്ലാനും ബില്‍ഡിങ്ങ് പ്ലാനോടും കൂടിയാണ് അപേക്ഷിക്കേണ്ടത്. 0070-60-109-99 എന്ന ശീര്ഷകത്തിലാണ് ഫീസ് അടക്കേണ്ടത്.

അപേക്ഷയോടൊപ്പം എന്തൊക്കെ വേണം?

1.       വെള്ള പേപ്പറില്‍ തയ്യാറാക്കിയ അപേക്ഷ

2.       Fee for NOC from fire and Rescue as per D & O Rule എന്ന് രേഖപ്പെടുത്തി ഫീസ് അടച്ചതിന്‍റെ ഗവ. ചെലാന്‍ പകര്‍പ്പ്.

3.       വ്യവസായ സ്ഥാപനത്തിന്‍റെ നാലു ഭാഗത്ത് കൂടിയും ഫയര്‍ എന്‍ജിന്‍ പ്രവേശിക്കാനുള്ള വീതിക്ക് നിര്‍മ്മിത അളവില്‍ സ്ഥലം വിടേണ്ടതാണ്. (സൈറ്റ് പ്ലാന്‍

)

4.       പുറത്തേക്ക് തള്ളി നില്‍ക്കുന്ന പാരപ്പറ്റിന്‍റെ അഗ്ര ഭാഗവും സ്ഥാപനത്തിന്‍റെ മതില്‍കെട്ടും തമ്മില്‍ 3.6 മീറ്റര്‍ (12 അടി) ഉയരം ഉണ്ടായിരിക്കണം. (ലേ ഔട്ട് പ്ലാന്‍)

5.       ഫയര്‍ ഫോഴ്സ് നിശ്ചയിച്ച് നല്‍കിയിട്ടുള്ള അഗ്നിശമന ഉപകരണങ്ങള്‍ സ്ഥാപിച്ചിട്ടുള്ളതായി ബോധ്യപ്പെടണം.

6.       സ്ഥാപനത്തിന്‍റെ ഉടമസ്ഥാവകാശ രേഖകള്‍ സമര്‍പ്പിക്കണം.

7.      സ്ഥാപനത്തില്‍ സ്ഥാപിക്കാനുദ്ദേശിക്കുന്ന മെഷീനറികളുടെ വിശദീകരണം.

8.       വൈദ്യതി കണക്ഷന്‍, ഡയഗ്രം ഇവ സമര്‍പ്പിക്കണം.

9.       പൊല്യൂഷന്‍ കണ്ട്രോള്‍ ബോര്‍ഡില്‍ നിന്നുള്ള എന്‍ ഓ സി.

കേരള പഞ്ചായത്ത് കെട്ടിട നിര്‍മ്മാണ ചട്ടങ്ങള്‍ 2011, സ്പോടക വസ്തു നിര്‍മ്മാണ നിയമം എന്നിവയുടെ അടിസ്ഥാനത്തിലാണ് സ്ഥാപനങ്ങള്‍ക്ക് അനുമതി നല്‍കുന്നത്.