അമിത ഭൂജല ചൂഷണ മേഖലകളായി പ്രഖ്യാപിക്കപ്പെട്ട സ്ഥലങ്ങളില്‍ കൂടി
വെള്ളത്തിനും വീട്ടാവശ്യങ്ങള്‍ക്കും,
മറ്റ് സ്ഥലങ്ങളില്‍ വ്യവസായിക അടിസ്ഥാന സൌകര്യ വികസനങ്ങള്‍ക്കും ജലം
ഉപയോഗിക്കുന്നതിന് കേന്ദ്ര ഭൂജല ബോര്‍ഡിന്‍റെ പ്രത്യേക മാര്‍ഗ്ഗ നിര്‍ദ്ദേശങ്ങള്‍
നിലവിലുണ്ട്.
അമിത ജല ചൂഷണ മേഖലകളായി പ്രഖ്യാപിക്കപ്പെട്ട സ്ഥലങ്ങളില്‍ ദിവസേന
25000 ലിറ്റര്‍ വരേയും ക്രിട്ടിക്കല്‍ മേഖലകളില്‍ 50000 ലിറ്റര്‍ വരേയും സെമി
ക്രിട്ടിക്കല്‍ മേഖലകളില്‍ 100000 ലിറ്റര്‍ വരേയും വ്യവസായികാവശ്യങ്ങള്‍ക്ക് ജലം
ഉപയോഗിക്കുന്നതിന് ഭൂജല അഥോറിറ്റിയില്‍ നിന്നും മുന്‍ കൂറായി അനുമതി
വാങ്ങേണ്ടതില്ല.
എന്നാല്‍ മേല്‍പ്പറഞ്ഞ ഒഴിവ് വെള്ളെ അസംസ്കൃത വസ്തുവായി ഉപയോഗിക്കുന്ന
വ്യവസായങ്ങള്‍ക്ക് ബാധകമല്ല. അതായത് സോഡാ ഫാക്ടറി, ഐസ് ഫാക്ടറി,
കുപ്പിവെള്ളക്കമ്പനി തുടങ്ങിയ വ്യവസായങ്ങള്‍ക്ക് ജലം ഉപയോഗിക്കുന്നതിനും മേല്‍
സൂചിപ്പിച്ച അളവിനേക്കാള്‍ കൂടുതല്‍ ജലം ഉപയോഗിക്കുന്ന സ്ഥാപനങ്ങള്‍ക്കും ഭൂജല
അഥോറിറ്റിയില്‍ നിന്നും മുന്‍കൂര്‍ അനുമതി വാങ്ങേണ്ടതുണ്ട്.
ഇതിന് ആദ്യമായി ഉപയോഗിക്കാനുദ്ദേശിക്കുന്ന ജല സ്രോതസ്സില്‍ നിന്നും
അടുത്തുള്ള ജല സേരോതസ്സുകളെ ബാധിക്കാത്ത വിധം ഒരു മണിക്കൂറില്‍ എത്ര ജലം
ഊറ്റിയെടുക്കാമെന്നും ഇപ്രകാരം ദിവസത്തില്‍ എത്ര മണിക്കൂര്‍ ഊറ്റിയെടുക്കാമെന്നും
ശാസ്ത്രീയമായി പഠിച്ച് വിലയിരുത്തേണ്ടതുണ്ട്. (പ്രസ്തുത പഠനത്തിനുള്ള സംവിധാനം
ഭൂജല വകുപ്പില്‍ ലഭ്യമാണ്. നിശ്ചിത നിരക്കില്‍ പണമടക്കണമെന്ന് മാത്രം). കുഴല്‍
കിണറിലെ ജല ലഭ്യത വര്‍ഷത്തില്‍ മിക്കവാറും പരിശോധിക്കാമെങ്കിലും തുറന്ന കിണര്‍,
കുളം ഉള്‍പ്പെടെയുള്ള ജല സ്രോതസുകളിലെ ഭൂജല ലഭ്യത പഠിക്കുന്നതിന് ഏപ്രില്‍, മെയ്
മാസങ്ങളില്‍ മാത്രമേ സാധിക്കുകയുള്ളു.
ഇപ്രകാരം സ്രോതസിന്‍റെ ജല ലഭ്യത പഠിച്ചതിന് ശേഷം കേന്ദ്ര ഭൂജല ബോര്‍ഡ്
നിഷ്കര്‍ഷിച്ചിട്ടുള്ള മാതൃകയിലുള്ള അപേക്ഷാ ഫോറത്തില്‍ ഭൂജല വകുപ്പില്‍
അപേക്ഷിക്കുകയും (പ്രൊജക്ട് റിപ്പോര്‍ട്ടിന്‍റെ പകര്‍പ്പ് സഹിതം) വേണം. പ്രസ്തുത
അപേക്ഷകള്‍ ജില്ലാ കളക്ടര്‍ അദ്ധ്യക്ഷനായ ജില്ലാ തല അവലോകന സമിതിയില്‍ ചര്‍ച്ച
ചെയ്യുകയും ആയതിന്‍റെ മിനിട്സ് സഹിതം ഭൂജല വകുപ്പ് ജില്ലാ ഓഫീസര്‍ കേരള ഭൂജല
അഥോറിറ്റിക്ക് സമര്‍പ്പിക്കേണ്ടതുണ്ട്.
ജില്ലാ തല അവലോകന സമിതിയില്‍ ജില്ലാ കളക്ടര്‍ ചെയര്‍മാനും ഭൂജല
വകുപ്പ് ജില്ലാ ഓഫീസര്‍ കണ്‍വീനറും, കേന്ദ്ര ഭൂജല അഥോറിറ്റിയിലെ ഹൈഡ്രോ
ജിയോളജിസ്റ്റ്, ജില്ലാ വ്യവസായ കേന്ദ്രം പ്രതിനിധി, വ്യവസായ രംഗത്തെ പ്രതിനിധികള്‍,
മലിനീകരണ നിയന്ത്രണ ബോര്‍ഡിലെ പ്രതിനിധികള്‍ തുടങ്ങിയവര്‍ അംഗങ്ങളാണ്.
ഭൂജല അഥോറിറ്റി എന്നത് ഭൂജല വകുപ്പല്ല എങ്കിലും ഭൂജല വകുപ്പിലെ എല്ലാ
ഓഫീസര്‍മാരും ഭൂജല അഥോറിറ്റിയിലെ ഉദ്യോഗസ്ഥരാണ്. ഭൂജല അഥോറിറ്റിക്ക് ജില്ലാ
തലത്തില്‍ ഓഫീസുകളില്ല. യോഗ സാധാരണ ഗതിയില്‍ രണ്ട് മാസത്തിലൊരിക്കലാണ്
കൂടാറുള്ളത്.
ജില്ലകളില്‍ നിന്നും ലഭിക്കുന്ന അപേക്ഷകള്‍ ഭൂജല അഥോറിറ്റിയില്‍ ചര്‍ച്ച
ചെയ്ത് തീരുമാനങ്ങള്‍ ഭൂജല വകുപ്പ് ഡയറക്ടറുടെ (ഭൂജല അഥോറിറ്റിയുടെ സെക്രട്ടറി)
ഉത്തരവായി എത്തിയതിന് ശേഷമേ പഞ്ചായത്ത് ലൈസന്‍സ്, മറ്റു നടപടികള്‍ എന്നിവയിലേക്ക്
കടക്കേണ്ടതായിട്ടുള്ളു.
No comments:
Post a Comment