ഹോര്ട്ടി കള്ച്ചര്‍ ഉല്പ്പന്ന നിര്‍മ്മാണ സാങ്കേതിക വിദ്യയുമായി ഇന്ത്യന്‍ ഇന്സ്റ്റിറ്റ്യൂട്ട് ഓഫ് ഹോര്ട്ടി കള്ച്ച്ര്‍ റിസേര്ച്ച്, ബാംഗ്ലൂര്‍

ഇന്ത്യയുടെ ഗവേഷണ മേഖലയില്‍ത്തന്നെ ഏറെ ശ്രദ്ധിക്കപ്പെടുന്ന പേരാണ് ഇന്ത്യന്‍ കൌണ്‍സില്‍ ഓഫ് അഗ്രികക്കള്‍ച്ചറല്‍ റിസേര്‍ച്ചിന്‍റേത്. ദേശീയ പ്രാധാന്യമുള്ള നിരവധി ഗവേഷണ സ്ഥാപനങ്ങളിവര്‍ക്കുണ്ട്. കാര്‍ഷിക ഭക്ഷ്യ സംസ്കരണ രംഗത്ത് ശ്രദ്ധേയമായ സംഭാവനകള്‍ നല്‍കുവാന്‍ കഴിവുള്ളവയാണോരൂന്നും തന്നെ. അതില്‍ പഴങ്ങള്‍ , പച്ചക്കറികള്‍, പൂക്കള്‍ എന്നിവയെക്കുറിച്ചുള്ള ഗവേഷണത്തില്‍ രാജ്യത്തെ ഒന്നാം നിര സ്ഥാപനമാണ് ബാംഗ്ലൂരിലെ  ഇന്ത്യന്‍ ഇന്സ്റ്റിറ്റ്യൂട്ട് ഓഫ് ഹോര്‍ട്ടി കള്‍ച്ചര്‍ റിസേര്‍ച്ച്.

വിവിധ ഹോര്‍ട്ടികള്‍ച്ചര്‍ ഉല്‍പ്പന്നങ്ങളുടെ സംസ്കരണത്തിനുള്ള ഏറ്റവും മികച്ച സാങ്കേതിക വിദ്യ ഇവിടെ ലഭിക്കും. വിവിധ തരം പഴ വര്‍ഗ്ഗങ്ങളുപയോഗിച്ച് ഫ്രൂട്ട് ബാറുകള്‍, ജ്യൂസുകള്‍, സ്ക്വാഷുകള്‍ എന്നിവയുണ്ടാക്കുന്ന രീതി, പൂക്കളും അലങ്കാര ഇലകളും ജലാംശം നീക്കി മൂല്യ വര്‍ദ്ധന വരുത്തുന്ന സാങ്കേതിക വിദ്യ, കയറ്റുമതിക്കായി പഴവര്‍ഗ്ഗങ്ങളുടെ നിയന്ത്രിത അന്തരീക്ഷത്തിലുള്ള സംഭരണം, പഴം പച്ചക്കറി വര്‍ഗ്ഗങ്ങളുടെ പാക്കിങ്ങ് തുടങ്ങി കാര്‍ഷിക സംസ്കരണ രംഗത്ത് കേരളത്തിലെ കൃഷിക്കാര്‍ക്ക് പ്രയോജനപ്രദമായ നിരവധി സാങ്കേതിക വിദ്യകളാണ് ഇവിടെയുള്ളത്. പഴ വര്‍ഗ്ഗങ്ങള്‍ ജലാശം നീക്കി സൂക്ഷിക്കുന്ന രീതിയും ഇവിടെ പരിശീലിക്കാം. ഇഞ്ചി, പച്ച മുളക്, കറിവേപ്പില, പുളി തുടങ്ങിയവ കുഴമ്പ് രൂപത്തില്‍ വിഫണിയിലെത്തിക്കുവാന്‍ ആഗ്രഹിക്കുന്ന സംരംഭകര്‍ക്കും പരിശീലനം ലഭിക്കും. മാങ്ങ, പപ്പായ, സപ്പോട്ട, വാഴപ്പഴം എന്നിവ ചെലവ് കുറഞ്ഞ രീതിയാണ് മറ്റൊരു സാങ്കേതിക വിദ്യ. 

ഐ ഐ എച്ച് ആറിന്‍റെ പോസ്റ്റ് ഹാര്‍വെസ്റ്റ് ഡിപ്പാര്‍ട്ട്മെന്‍റുമായി ബന്ധപ്പെട്ടാല്‍ കൂടുതല്‍ വിവരങ്ങളറിയുവാന്‍ സാധിക്കും. 

ഇ – മെയില്‍ director@iihr.res.in. ഫോണ്‍ - 080-23086100;  080-28466471 . വെബ്സൈറ്റ് - http://www.iihr.res.in/

ഭക്ഷ്യ സംസസ്കരണ വ്യവസായത്തിന് സാങ്കേതിക വിദ്യയുമായി സി എഫ് ടി ആര്‍ ഐ മൈസൂര്‍

നിരന്തരം മാറ്റങ്ങള്‍ക്ക് വിധേയമായിക്കൊണ്ടിരിക്കുന്നതാണ് ഭക്ഷ്യ സംസ്കരണ വ്യവസായ രംഗം. ഫുഡ് പ്രോസസിങ്ങിലും, പാക്കേജിങ്ങിലുമെല്ലാം നിരവധി സാങ്കേതിക വിദ്യകള്‍ ഉണ്ടായിക്കൊണ്ടിരിക്കുന്നു. രാജ്യത്തെ നിരവധി ഗവേഷണ സ്ഥാപനങ്ങളില്‍ ഈ സാങ്കേതിക വിദ്യകള്‍ പഠിക്കുവാനുള്ള സൌകര്യമുണ്ട്. അതില്‍ പ്രമുഖമായതാണ് മൈസൂരിലെ സെന്‍ട്രല്‍ ഫുഡ് ടെക്നോളജിക്കല്‍ റിസേര്‍ച്ച് ഇന്‍സ്റ്റിറ്റ്യൂട്ട് (CFTRI). ഫുഡ് ടെക്നോളജി മേഖലയില്‍ രാജ്യത്തെ ഏറ്റവും മികച്ച പഠന ഗവേഷണ സ്ഥാപനമാണ് ഇത്. 

വിവിധ ഭക്ഷ്യ വസ്തുക്കളുടെ സംസ്കരണ വിദ്യകള്‍, സംരംഭകര്‍ക്കാവശ്യമായ യന്ത്ര സംവിധാനങ്ങള്‍, ഭക്ഷ്യോല്‍പ്പാദന ബിസിനസ്സില്‍ മാനേജ്മെന്‍റ് വൈദഗ്ദ്യം എന്നിവയ്ക്കായി ഈ സ്ഥാപനത്തെ ആശ്രയിക്കാം.  ബേക്കറി പലഹാരങ്ങള്‍, പാനീയങ്ങള്‍, ഉപയോഗ സൌകര്യമുള്ള ഭക്ഷ്യ വസ്തുക്കള്‍, ഭക്ഷ്യ സംസ്കരണ യന്ത്രങ്ങള്‍, മത്സ്യ, മാംസ വിഭവങ്ങള്‍ എന്നിങ്ങനെ വിവിധ വിഭാഗങ്ങളിലായി നൂറ് കണക്കിന് സാങ്കേതിക വിദ്യകളുടെ കലവറയാണ് സി എഫ് ടി ആര്‍ ഐ. ഷുഗര്‍ ഫ്രീ ബിസ്കറ്റ്, വാഴപ്പിണ്ടി ജ്യൂസ്, സാന്ദ്രീകരിച്ച കരിക്കിന്‍ വെള്ളം, ഇഞ്ചി ചായ, ജലാംശം നീക്കിയ വാഴപ്പഴം, കൂണ്‍ സൂപ്പ്, ഓസ്മോ എയര്‍ സാങ്കേതിക വിദ്യയിലൂടെ ജലാംശം നീക്കിയ പൈനാപ്പിള്‍, ചക്കപ്പഴം എന്നിങ്ങനെ ഇവിടെ നിന്നുള്ള ഉല്‍പ്പന്നങ്ങളുടെ നിര വളരെ വലുതാണ്. 

ചപ്പാത്തി, ദോശ, ഇഡലി എന്നിവയുണ്ടാക്കുന്ന യന്ത്രം, മത്സ്യത്തിന്‍റെ മുള്ള് നീക്കുന്ന യന്ത്രംമണിക്കൂറില്‍ 15 കിലോ മുതല്‍ 500 കിലോ വരെ നെല്ല് കുത്തുവാന്‍ കഴിയുന്ന യന്ത്രം എന്നിങ്ങനെ ഭക്ഷ്യ സംസ്കരണവുമായി ബന്ധപ്പെട്ട ഒട്ടേറെ യന്ത്രങ്ങളും ഇവിടെ രൂപകല്‍പ്പന ചെയ്യപ്പെടുകയും സംരംഭകര്‍ക്ക് കൈമാറ്റം ചെയ്യപ്പെടുകയും ചെയ്തുവരുന്നുണ്ട്. 

ഭക്ഷ്യ യോഗ്യമായ തവിട്, ബീറ്റാ കരോട്ടിന്‍ കൂടുതലുള്ള ബണ്‍, ചിക്കന്‍ - മുട്ട – മീന്‍ വേഫറുകള്‍, ഗ്ലൈസമിക് ഇന്‍ഡക്സ് കുറഞ്ഞ ഭക്ഷ്യ വസ്തുക്കള്‍, വെല്‍നസ് ഫുഡ്, ഫങ്ഷണല്‍ ഫുഡ് എന്നിവയുടെ ഉല്‍പ്പാദനത്തിനും സി എഫ് ടി ആര്‍ ഐയുടെ സവിശേഷ സാങ്കേതിക വിദ്യകള്‍ ലഭ്യമാണ്. 

കൂടാതെ Advanced processing techniques, Flour milling and baking products, Animal techniques, ethics & welfare, Spice and plantation products തുടങ്ങിയ ഇരുപത്തിയഞ്ചോളം ഹ്രസ്വകാല കോഴ്സുകളും ഇവിടെയുണ്ട്. ഫുഡ് ബിസിനസ്സ് ഡവലപ്മെന്‍റ്, ഗുഡ് മാനുഫാക്ച്വറിങ്ങ് പ്രാക്ടീസസ് തുടങ്ങിയ വിഷയങ്ങളിലും ഇവിടെ ഉന്നത പരിശീലനം ലഭ്യമാണ്.

മൂന്ന് ദീര്‍ഖ കാല പ്രോഗ്രാമുകളും ഇവിടെയുണ്ട്.

 1.  എം എസ് സി ഫുഡ് ടെക്നോളജി – രണ്ട് വര്‍ഷമാണ് കാലാവധി. കെസിസ്ട്രി ഒരു വിഷയമായി പഠിച്ച് 55 ശതമാനം മാര്‍ക്കോടെ ബി എസ് സി അഥവാ സെക്കന്‍റ് ക്ലാസോടെ അഗ്രിക്കള്‍ച്ചറല്‍ ബിരുദം. അല്ലെങ്കില്‍ സെക്കന്‍റ് ക്ലാസ് ബി ടെക് ബിരുദം. പ്ലസ് ടു തലത്തില്‍ മാത്തമാറ്റിക്സ് പഠിച്ചിരിക്കണം. യോഗ്യതാ പരീക്ഷയുടേയും CFTRI നടത്തുന്ന പ്രവേശന പരീക്ഷയുടേയും അടിസ്ഥാനത്തിലാണ് സെലക്ഷന്‍.

2.     ഫ്ലോര്‍ മില്ലിങ്ങ് ടെക്നോളജി സര്‍ട്ടിഫിക്കറ്റ് കോഴ്സ് – എഞ്ചിനിയറിങ്ങ് ഡിഗ്രി അല്ലെങ്കില്‍ ഡിപ്ലോമയാണ് യോഗ്യത. ഒരു വര്‍ഷമാണ് കാലാവധി.

3.       ഇന്‍റഗ്രേറ്റഡ് എം എസ് സി – പി എച്ച്ഡി – 65 ശതമാനം മാര്‍ക്കോടെ Bachelor’s degree in Science/ Biotechnology/ Food Science/ Agriculture/Medicine/Pharmacology എന്നിവയിലൊന്നാണ് യോഗ്യത

സാങ്കേതിക വിദ്യ കൈമാറ്റത്തിനായി ഇന്‍കുബേഷന്‍ സെന്‍ററും ഇവിടെയുണ്ട്. 

വിലാസം

സെന്‍ട്രല്‍ ഫുഡ് ടെക്നോളജിക്കല്‍ റിസേര്‍ച്ച് ഇന്‍സ്റ്റിറ്റ്യൂട്ട്

മൈസൂര്‍ - 570020. ഫോണ്‍ - 0821 2514310

http://www.cftri.com/

കിഴങ്ങ് വിളകളില്‍ നിന്നും മൂല്യ വര്ദ്ധിത ഉല്പ്പന്ന നിര്മ്മാണ സാങ്കേതിക വിദ്യകളുമായി CTCRI

കാര്‍ഷിക മേഖല തളരാതിരിക്കണമെങ്കില്‍ ഓരോ കാര്‍ഷിക വിളകളില്‍ നിന്നും മൂല്യ വര്‍ദ്ധിത ഉല്‍പ്പന്നങ്ങളുണ്ടാകേണ്ടതുമുണ്ട്. എന്നാല്‍ ഇതിനാവശ്യമായ ഗവേഷണങ്ങള്‍ നടക്കേണ്ടിയിരിക്കുന്നു. ഇതെവിടെ ലഭ്യമാകുമെന്ന ചോദ്യത്തിന് ഉത്തരമാണ് നമ്മുടെ കാര്‍ഷിക ഗവേഷണ കൌണ്‍സിലിന്‍റെ കീഴിലുള്ള ഗവേഷണ സ്ഥാപനങ്ങളോരോന്നും. ഓരോ മേഖലയില്‍ നിന്നും നമുക്ക് ഗവേഷണ സ്ഥാപനങ്ങളുണ്ട്. അത്തരത്തില്‍ പ്രമുഖമായയൊന്നാണ് തിരുവനന്തപരത്തെ കേന്ദ്ര കിഴങ്ങു വിള ഗവേഷണ കേന്ദ്രം.

കപ്പ, ഉരുളക്കിഴങ്ങ്, ബീറ്റ്റൂട്ട്, ക്യാരറ്റ് തുടങ്ങിയവയില്‍ നിന്നൊക്കെയും നിരവധി വ്യത്യസ്തമായ മൂല്യ വര്‍ദ്ധിത ഉല്‍പ്പന്നങ്ങളുണ്ടാക്കുന്ന നിരവധി സാങ്കേതിക വിദ്യകള്‍ ഇവിടെ ലഭ്യമാണ്. പലതും പേറ്റന്‍റുള്ളവ. മാത്രവുമല്ല ഒരു ടെക്നോ ഇന്‍കുബേഷന്‍ സെന്‍ററും ഇവിടെ പ്രവര്‍ത്തിക്കുന്നുണ്ട്. Crop Improvement, Crop Production, Crop Protection, Crop Utilization എന്നീ മേഖലകളിലാണിവിടെ ഗവേഷണം നടക്കുന്നുത്. വ്യത്യസ്ത ഉല്‍പ്പന്നങ്ങളുണ്ടാക്കുവാനുള്ള പരിശീലനം മുന്‍കൂട്ടി അറിയിക്കുന്നവര്‍ക്ക് ഇവിടെ നല്‍കുന്നുണ്ട്. 

വിലാസം

ICAR-CTCRI
Sreekariyam.P.O
Thiruvananthapuram.
Telephone: (+91)(471) 2598551
FAX: (+91)(471) 2590063
E-mail: ctcritvm@yahoo.com

 

കൂടുതല്‍ വിവരങ്ങള്‍ക്ക് http://www.ctcri.org/ സന്ദര്‍ശിക്കുക.

സംരംഭകര്ക്ക് സാങ്കേതിക വിദ്യയൊരുക്കി എന്‍ ഐ ഐ എസ് ടി തിരുവനന്തപുരം

സംരംഭകത്വം അത് കാര്‍ഷിക വിളകളുടെ മൂല്യ വര്‍ദ്ധനയാവട്ടെ മാലിന്യ സംസ്കരണമാകട്ടെ സാങ്കേതിക വിദ്യയുമായി കൂടെയുണ്ട് തിരുവനന്തപുരത്തെ കേന്ദ്ര സര്‍ക്കാര്‍ സ്ഥാപനമായ നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഇന്‍റര്‍ ഡിസിപ്ലിനറി സയന്‍സ് ആന്‍ഡ് ടെക്നോളജി. 

സീസണ്‍ മാറുന്നതിനനുസരിച്ച് പച്ചക്കറികളുടെ വിലയിലുണ്ടാകുന്ന ഏറ്റക്കുറവുകള്‍ കൃഷിക്കാരനെന്നും വെല്ലു വിളിയാണ്. ഇതിന് പരിഹാരമായി കാര്‍ഷിക വിഭവങ്ങള്‍ ഉണങ്ങി സൂക്ഷിക്കുന്നതിനാവശ്യമായ സാങ്കേതിക വിദ്യ ഇവിടെ ലഭ്യമാണ്. ചീര മുതല്‍ പൈനാപ്പിള്‍ വരെ ഇങ്ങനെ നിറവും ഗുണവും ചോരാതെ ഉണങ്ങി സൂക്ഷിക്കാം. ഇതിനാവശ്യമായ ഡ്രയറുകള്‍ സംരംഭകരുടെ ആവശ്യങ്ങള്‍ക്കനുസരിച്ച് നിര്‍മ്മിച്ച് നല്‍കുകയാണിവര്‍ ചെയ്യുന്നത്.  പഴ വര്‍ഗ്ഗങ്ങളുടെ സംസ്കരണത്തിലും ഈ മാര്‍ഗ്ഗം അവലംബിക്കാവുന്നതാണ്. വ്യത്യസ്തമായ കാര്‍ഷിക വിളകളില്‍ നിന്നും നിരവധി മൂല്യ വര്‍ദ്ധിത ഉല്‍പ്പന്നങ്ങള്‍ ഇവിടെ രൂപ കല്‍പ്പന ചെയ്യപ്പെട്ടിട്ടുണ്ട്. പൈനാപ്പിളിന്‍റെ ഇലകളില്‍ നിന്നും നിര്‍മ്മിക്കാവുന്ന വസ്ത്ര നാരുകള്‍ ഒരു ഉദാഹരണം മാത്രം. ചെറുകിട വ്യവസായ മേഖലയിലെ മാലിന്യ പ്രശ്നത്തിന് പരിഹാരമാകുന്ന സാങ്കേതിക വിദ്യകളും ഇവിടെയുണ്ട്. ഇത് പുതിയ സംരംഭക സാധ്യതകളിലേക്ക് നയിക്കുന്നുവെന്നതാണ് ഏറെ പ്രധാനപ്പെട്ടത്. കൌണ്‍സില്‍ ഓഫ് സയന്‍റിഫിക് ആന്‍ഡ് ഇന്‍ഡസ്ട്രിയല്‍ റിസേര്‍ച്ചിന്‍റെ കീഴിലാണ് ഈ സ്ഥാപനം. നേരത്തെ ഇത് റീജിയണ്‍ റിസേര്‍ച്ച് ലാബ് (ആര്‍ ആര്‍ എല്‍) എന്നാണ് അറിയപ്പെട്ടിരുന്നത്. 

വിലാസം

National Institute for Interdisciplinary Science and Technology

Industrial Estate P O, Pappanamcode

Thiruvananthapuram -695019

Office: +91-471-2515330, 0471 249 3599

വെബ്സൈറ്റ് - http://www.niist.res.in