മാറ്റങ്ങള്‍ക്ക് വിധേയമാണ് മനുഷ്യ ജീവിതം. ഈ
മാറ്റങ്ങള് പലപ്പോഴും അവന്‍റെ ജീവിതത്തിന്‍റെ ഗതി മാറ്റി മറിക്കുന്നതില്‍ നിര്‍ണ്ണായക
പങ്ക് വഹിക്കുന്നുമുണ്ട്. ഈ മാറ്റങ്ങള് വ്യാവസായിക രംഗത്ത് സംഭവിക്കുമ്പോള്‍ അത്
വഴിമരുന്നിടുന്ന എല്ലാ പരിവര്‍ത്തനങ്ങളേയും ഒരുമിച്ച് ചേര്‍ത്ത് വിശേഷിപ്പിക്കുന്ന
വാക്കാണ് “വ്യാവസായിക വിപ്ലവം” എന്നത്. പ്രകൃതിയെ എന്ന്
മുതല്‍ മനുഷ്യന് ചൂഷണം ചെയ്യുവാന്‍ തുടങ്ങിയോ അന്നാരംഭിക്കുന്നു വ്യവസായത്തിന്‍റെ
ചരിത്രം.
ബുദ്ധിയുള്ള മനുഷ്യന്‍റെ ശക്തിക്ക് പരിമിതികളുണ്ടുവെന്ന
തിരിച്ചറിവാണ് ആയതിനെ മറികടക്കുവാനുള്ള അവന്‍റെ ശ്രമങ്ങള്‍ക്ക് ആക്കം കൂട്ടിയത്. ഇതാണ്
വ്യാവസായിക വിപ്ലവത്തിലേക്ക് അവനെ എത്തിച്ചത്. ഇത്തരത്തിലുള്ള ആദ്യ ശ്രമമാണ്
പതിനെട്ടാം നൂറ്റാണ്ടില്‍ ആവി യന്ത്രങ്ങളുടെ കണ്ട് പിടുത്തത്തിലേക്ക് നയിച്ചത്. ഇതാകട്ടെ
ഒന്നാം വ്യാവസായിക വിപ്ലവമായി പരിണമിക്കുകയും ചെയ്തു. ഇത് യഥാര്‍ത്ഥത്തില്‍ ഒരു
ഫാമിങ്ങ് ടു പ്രൊഡക്ഷന്‍ ആയിരുന്നു. അതായത് കൃഷിയല്ലാതെ മറ്റൊരു വരുമാന മേഖല
തുറക്കുകയായിരുന്നു.
എന്നാല്‍ പത്തൊന്‍പതാം നൂറ്റാണ്ടോട് കൂടി
വൈദ്യുതിയുടെ കണ്ട് പിടുത്തം ഇതിനെ സാങ്കേതിക വിദ്യയുടെ മറ്റൊരു തലത്തിലേക്ക് ഉയര്‍ത്തി.
നാളിത് വരെ ചിന്തിക്കുവാന്‍ പോലും കഴിയാതിരുന്ന യാന്തിക വിപ്ലവത്തിനായിരുന്നു
വഴിയൊരുങ്ങിയത്.
ഒന്നും രണ്ടും വ്യാവസായിക വിപ്ലവത്തില്‍ നിന്നും
വ്യത്യസ്തമായി ഇരുപതാം നൂറ്റാണ്ടില്‍ സ്ഥൂല പ്രപഞ്ചത്തിന്‍റെ ആധാര ശിലയായി നില
നില്‍ക്കുന്ന അദൃശ്യവും സൂക്ഷ്മവുമായ ഇലക്ട്രോണിക് തലങ്ങളിലേക്ക് മനുഷ്യന്‍റ
ശ്രദ്ധ തിരിഞ്ഞതോട് കൂടി ഏതാണ്ട് ഭൂകമ്പ സമാനമായ വിജ്ഞാന വിസ്ഫോടനമാണ്
പിന്നീടുണ്ടായെതെന്ന് പിന്‍കാല ചരിത്രം പരിശോധിച്ചാല്‍ മനസ്സിലാക്കാവുന്ന
വസ്തുതയാണ്. 1947 ല്‍ ജോണ്‍ ബാര്‍ഡിന്‍, വാള്‍ട്ടര്‍ ബാര്‍ടെന്‍, വില്യം ബ്രാഡ്
ഫോര്‍ഡ് ഷോക് ലി എന്നീ ശാസ്ത്രജ്ഞര്‍ ചേര്‍ന്ന് ‘ബെല്‍’ ലബോറട്ടറിയില്‌ “ട്രാന്‍സിസ്റ്റര്‍” എന്ന നൂതന ഡൈനാമിക്
ഇലക്ട്രോണിക് ഘടകം വികസിപ്പിച്ചെടുത്തതോടെ, ശാസ്ത്ര സാങ്കേതിക വിദ്യകളിലും അതിലൂടെ
വ്യാവസായിക രംഗത്തും ഉണ്ടായ മാറ്റങ്ങള് അതു വരെ മനനം ചെയ്യുവാന്‍
കഴിയാത്തതായിരുന്നു. ഡിജിറ്റല്‍ സിസ്റ്റങ്ങളും, കമ്പ്യൂട്ടര്‍, മൊബൈല്‍, ഇന്‍റര്‍നെറ്റ്
തുടങ്ങിയ നൂതന പ്രവണതകളുടെ ഈ വേലിയേറ്റത്തെ നാം മൂന്നാം വ്യാവസായിക വിപ്ലവമായി
കണക്കാക്കുന്നു.
നാലാം വ്യാവസായിക വിപ്ലവം
എന്നാല്‍ ഈ ഇരുപത്തിയൊന്നാം നൂറ്റാണ്ടില്‍
കാര്യങ്ങളവിടെ നിന്നും ഏറെ മുന്നോട്ട് പോയിരിക്കുന്നു. ഇനിയുള്ള വ്യാവസായിക
വിപ്ലവം സംഭവിക്കുന്നത് വിവര വിനിമയ സാങ്കേതിക വിദ്യോത്തര (Post Information Age) യുഗത്തിലായിരിക്കുമെന്ന് പറയാം. മൂന്നാം
വ്യാവസായിക വിപ്ലവം സ്ഥൂല മണ്ഡലത്തില്‍ നിന്നും സൂക്ഷ്മ മണ്ഡലത്തിലേക്കുള്ള
ശാസ്ത്ര – സാങ്കേതിക മാറ്റമായിരുന്നുവെങ്കില്‍ ഇനി വരുവാനിരിക്കുന്ന വിപ്ലവം
സൂക്ഷ്മ മണ്ഡലത്തില്‍ നിന്നും അത്യന്ത സൂക്ഷ്മമായ ബോധ മണ്ഡലത്തിലേക്കാണ് (ഇന്‍റലിജെന്‍സ്)
എന്ന് മനസ്സിലാക്കേണ്ടതുണ്ട്.
സ്ഥൂലമായ ഒരു വസ്തു (Thing) വിലുള്ള ബോധ (Intelligence) ത്തിന്‍റെ ആഴവും, വ്യാപ്തിയുമാണ് അത്
എത്ര മാത്രം സ്മാര്‍ട്ട് ആണെന്ന് തീരുമാനിക്കുന്നത്. മനുഷ്യന് ഈ ഇന്‍റലിജെന്‍സ്
സ്വത സിദ്ധമാണ്. എ്നാല്‍ നമ്മുടെ ചുറ്റുപാടുമുള്ള സ്ഥൂല വസ്തുക്കള്‍ക്ക് ഈ ഇന്‍റലിജെന്‍സ്
നല്‍കുവാന്‍ കഴിഞ്ഞാല്‍ അവയെല്ലാം സ്മാര്‍ട്ട് തിങ്സ് ആയി മാറും. അതിന് ശേഷം അവയെ
ഇന്‍റര്‍നെറ്റ് വഴി പരസ്പരം ബന്ധിപ്പിക്കുവാന്‍ കഴിഞ്ഞാല്‍ അവ പരസ്പരം
സംവേദിക്കുവാന്‍ കഴിവുള്ളതായി മാറും. ഇതാണ് ഇന്‍റര്‍നെറ്റ് ഓഫ് തിംഗ്സ് (Internet of Things). ഇതേ പോലെ നമ്മുടെ ചുറ്റുപാടുമുള്ള
അന്തരീക്ഷത്തിന് ഇന്‍റലിജെന്‍സ് നല്‍കുവാന്‍ കഴിഞ്ഞാല്‍ അവ സ്മാര്‍ട്ട് സ്പേസ് ആയി
മാറും. അങ്ങനെയെങ്കില്‍ ഒരു ഫാക്ടറിയിലെ എല്ലാ പ്രോസസുകളിലും ഇന്‍റലിജെന്‍സ്
സന്നിവേശിപ്പിച്ചാല്‍ ആ ഫാക്ടറി ഒരു സ്മാര്‍ട്ട് ഫാക്ടറി ആയി മാറും.
ഇത്തരത്തിലുള്ള സ്മാര്‍ട്ട് ഫാക്ടറികളാണ് നാലാം വ്യവസായ വിപ്ലവമായ ഇന്ഡസ്ട്രി 4.0
ന് ആധാര ശിലയായി മാറുവാന്‍ പോകുന്നത്.
നാളത്തെ ഫാക്ടറികള്‍
നാളെയുടെ നാളുകളില്‍ നാം കാണുന്ന വ്യാവസായിക
സ്ഥാപനങ്ങളിലെ മെഷീനുകളെല്ലാം സ്മാര്‍ട്ടായിരിക്കും. 2011 ലാണ് ഇപ്രകാരമൊരു ആശയം
മുള പൊട്ടുന്നത്. എന്നാല്‍ 2013ല്‍ ജര്‍മ്മന്‍ ഗവണ്‍മെന്‍റ് പുറത്തിറക്കിയ
മെമ്മോയിലാണ് ഇന്ഡസ്ട്രി 4.0 എന്ന വ്യക്തമായ പരാമര്‍ശം ഉണ്ടാവുന്നത്. മൂന്നാം
വ്യാവസായിക വിപ്ലവത്തില്‍ ഒരു പ്രോസസിന്‍റെ ഓട്ടോമേഷനാണ് നടന്നിരുന്നതെങ്കില്‍ ഇന്ഡസ്ട്രി
4.0 മുന്‍പോട്ട് വയ്ക്കുന്നത് വളരെ വിപ്ലവകരമായ ഒരാശയമാണ്. ഒരു ഫാക്ടറിയിലുള്ള
എല്ലാ വസ്തുക്കളുടേയും (Things) എന്‍ഡ് – ടു - എന്‍ഡ് ഡിജിറ്റലൈസേഷനിലൂടെ ഒരു ഡിജിറ്റല്‍
ഇക്കോ സിസ്റ്റം സൃഷ്ടിച്ച് അവയെ പരസ്പരം വിനിമയ ബദ്ധമാക്കി സംയോജിപ്പിക്കുക. അതിന്
ശേഷം വിവിധ വാല്യു ചെയിന്‍ പാര്‍ട്ടണര്‍മാരുമായി (പ്രൊഡക്ഷന്‍സ്, പ്രസസസുകള്‍,
സപ്ലെയര്‍മാര്‍, ഡിസ്ട്രിബ്യൂട്ടര്‍മാര്‍, ഉപഭോക്താക്കള്‍) ഇതിനെ സംയോജിപ്പിച്ചാല്‍
അക്ഷരാര്‍ത്ഥത്തിലുള്ള ഒരു സ്മാര്‍ട്ട് ഫാക്ടറി ആയിരിക്കുമിത്. അതായത് ഇന്‍ഡസ്ട്രിയല്‍
ഇന്‍റര്‍നെറ്റ് ഓഫ് തിംഗ്സ്.
ഇതിന്‍റെ പ്രോസസ്സിന് ആവശ്യമായ ബിഗ് ഡേറ്റകള്‍,
അവയുടെ അനലറ്റിക്സില്‍ നിന്നും ലഭ്യമാകുന്ന ഉള്‍ക്കാഴ്ചകള്‍, ഇവയ്ക്കനുസൃതമായി ഒരു
വികേന്ദ്രീകരണ സംവിധാനത്തിലൂടെ ആര്‍ട്ടിഫിഷ്യല്‍ ഇന്‍റലിജെന്‍സ്, റോബോട്ടിക്സ്
ഇവയുടെ സഹായത്തോടെ, പ്രൊഡക്ഷന്‍ ലൈനിലുള്ള മെഷീനുകള്‍, മനുഷ്യര്‍ എന്നിവയുടെ
സമഗ്രമായ മാനേജ്മെന്‍റ് സാധ്യമാക്കി ക്ലൌഡ് കംപ്യൂട്ടിങ്ങിലൂടെ ലഭ്യമാക്കിയാല്‍
സ്റ്റോറഡ് ഡേറ്റകള്‍, വിവിധ ആപ്ലിക്കേഷനുകള്‍, വ്യത്യസ്ത സേവനങ്ങള്‍ ഇവ റിമോട്ട്
ആക്സസിലൂടെ ലഭിക്കും. ഇത് സാധ്യമായാല്‍ മനുഷ്യരുടെ ഇടപെടലിലല്ലാതെ കംപ്യൂട്ടറുകള്‍ക്ക്
പരസ്പരം സംവേദിക്കുവാനും ഒരു ഫാക്ടറിയിലെ പ്രശ്നങ്ങള്‍ക്ക് മനുഷ്യരുടെ
സഹായമില്ലാതെ പരിഹാരം കാണുവാനും കഴിയുമെന്ന് വരുമ്പോഴാണ് നാം അതിന്‍റെ ആഴത്തെ
മനസ്സിലാക്കുന്നത്.
കംപ്യൂട്ടര്‍ ഉപയോഗിച്ച് മനുഷ്യനിപ്പോള്‍ പ്രവര്ത്തിക്കുന്ന
നിലയില്‍ നിന്ന് മനുഷ്യ സഹായമില്ലാതെ കംപ്യൂട്ടറുകള്‍ സ്വയം പ്രവര്ത്തിക്കുന്ന
അവസ്ഥ ചിന്തിക്കാമെങ്കില്‍ അതാണ് നാളത്തെ ഫാക്ടറികള്‍.
ഇന്ഡസ്ട്രി 4.0 – പ്രവര്‍ത്തന
രീതി
പരമ്പരാഗതമായ മാനുഫാക്ചറിങ്ങ് കേവലം ഫിസിക്കല്‍
വേള്‍ഡിനെ ആശ്രയിച്ചാണിരിക്കുന്നത്. ആയതിനാല്‍ത്തന്നെ ഇതില്‍ പങ്കാളികളാവുന്ന
മെഷീനുകള്‍ക്ക് സ്വയം ചിന്തിക്കുവനുള്ള കഴിവില്ല. എന്നാല്‍ ഇന്ഡസ്ട്രി 4.0 ലെ
സമീപനം തന്നെ വ്യത്യസ്ത‍മാണ്. പ്രപഞ്ചത്തിലുള്ള എല്ലാ പ്രവര്‍ത്തനങ്ങളും മൂന്ന്
തലങ്ങളിലായിട്ടാണ് നടക്കുന്നത്.
1.
ഫിസിക്കല്‍ വേള്‍ഡ്
2.
സൈബര്‍ വേള്‍ഡ്
3.
ബയോളജിക്കല്‍ വേള്‍ഡ്
ഒരു ഫാക്ടറിയെ സംബന്ധിച്ച് അസംസ്കൃത വസ്തുക്കള്‍,
മെഷീനുകള്‍, ഉപകരണങ്ങള്‍, ഉല്‍പ്പന്നങ്ങള്‍ ഇവയെല്ലാം കൂടി ഉള്‍പ്പെടുന്നവയാണ്
ഫിസിക്കല്‍ വേള്‍ഡ്. കാണുവാന്‍ കഴിയുന്ന
കമ്പ്യൂട്ടറുകളെ നിയന്ത്രിക്കുന്ന അദൃശ്യമായ സോഫ്റ്റ്വെയറുകള്‍, ബിഗ്ഡേറ്റാ
ഇത്യാദി കാണുവാന്‍ സാധിക്കാത്തതെല്ലാം ഉള്‍പ്പെടുന്നതാണ് സൈബര്‍ വേള്‍ഡ്. മെഷീനുകള്‍,
ഹാര്‍ഡ്വെയറുകള്‍, സോഫ്റ്റ്വെയറുകള്‍, ഇവയെല്ലാം പ്രവര്‍ത്തിപ്പിക്കുവാന്‍
കഴിയുന്ന മനുഷ്യരും ഉള്‍പ്പെട്ടതാണ് ബയോളജിക്കല്‍ വേള്‍ഡ്. ഈ മൂന്ന് തലങ്ങളില്‍ ഇന്‍റലിജെന്‍സ്
പൂര്‍ണ്ണമായും പ്രകടിപ്പിക്കുന്നത് ബയോളജിക്കല്‍ വേള്‍ഡിലാണ്. സൈബര്‍ വേള്‍ഡില്‍
ചെറിയ തോതിലുള്ള ഇന്‍റലിജെന്‍സ് ഉണ്ടുവെന്ന് പറയാമെങ്കിലും ഫിസിക്കല്‍ വേള്‍ഡില്‍
ഇത് തീരെ പ്രകടമല്ല. ഈ രീതിക്കാണ് ഇനി മാറ്റം വരുവാന്‍ പോകുന്നത്. ഇന്ഡസ്ട്രി 4.0
വിഭാവന ചെയ്യുന്ന സ്മാര്‍ട്ട് ഫാക്ടറിയിലെ ഫിസിക്കല്‍ വേള്‍ഡിലെ മെഷീനുകള്‍, സെന്‍സറുകള്‍,
പ്രോഡക്ട് ഇവയുടെ എല്ലാ തലങ്ങളിലും ഇന്‍റലിജെന്‍സ് സന്നിവേശിപ്പിച്ചിട്ടുണ്ടാകും. അതിനാല്‍ത്തന്നെ
അവയെല്ലാം സ്മാര്‍ട്ട് തിംഗ്സ് ആയിരിക്കും. ഇപ്രകാരമുള്ള മെഷീനുകളിലുള്ള സെന്‍സറുകള്‍ക്ക്
കൊഗ്നീഷന്‍ അഥവാ അവയര്‍നെസ്സ് ലഭിക്കുമ്പോള്‍ അവയും മനുഷ്യരെപ്പോലെ ഇന്‍റലിജെന്‍റ്
തിംഗ് ആയി മാറും. ആയതിനാല്‍ത്തന്നെ അവയ്ക്ക് പരസ്പരം സംവേദിക്കുവാനുള്ള കഴിവുണ്ടാകും.
ഇതാണ് ഇന്ഡസ്ട്രി 4.0 വിഭാവന ചെയ്യുന്നത്.
നെടും തൂണുകള്‍
മാറ്റങ്ങളുണ്ടാവുകയാണ് ഇന്ഡസ്ട്രി 4.0 ലൂടെ. ഈ
മാറ്റത്തിന് ചുക്കാന്‍ പിടിക്കുന്ന 9 സാങ്കേതിക വിദ്യകളുണ്ട്. ഇന്നുള്ള ഈ
സാങ്കേതിക വിദ്യകള്‍ കൂടി ഇന്ഡസ്ട്രി 4.0 നോടൊപ്പം ചേരുന്നതോടെ നാലാം വ്യാവസായിക
വിപ്ലവത്തിന് അത് നേട്ടമായിത്തീരുമെന്നും അഭൂത പൂര്‍വ്വമായ മാറ്റങ്ങള് വ്യാവസായിക
രംഗത്തുണ്ടാകുമെന്നും പ്രവചിക്കപ്പെടുന്നു.
1.
ബിഗ് ഡേറ്റാ അനാലിസ്സ്
ഇനിയുള്ള ബിസിനസ്സുകളില്‍ ഡേറ്റകള്‍ക്കുള്ള
സ്ഥാനം അവര്‍ണ്ണനീയമാണ്. ഡേറ്റകള്‍ എങ്ങനെ കൈകാര്യം ചെയ്യപ്പെടുന്നുവെന്നതാണ്
ഇവിടുത്തെ വിഷയം. ഒരു കമ്പനിയുടെ കൈവശമുള്ള ഡേറ്റകളുടെ അനാലിസിസിലൂടെ ഉല്‍പ്പാദനച്ചിലവ്
കുറച്ച് കാര്യക്ഷമത വര്‍ദ്ധിപ്പിക്കുക, പുതിയ ഉല്‍പ്പന്നങ്ങള്‍ കണ്ടെത്തുക, സ്മാര്‍ട്ട്
– ഡിസിഷന്‍ മേക്കിങ്ങ് ഇവയെല്ലാം സാധ്യമാണ്.
2.
ഓട്ടോണമസ്സ് റോബോട്ടുകള്‍/കോബോട്ടുകള്‍
ഇന്ഡസ്ട്രി 4.0 ലെ റോബോട്ടുകള്‍ മനുഷ്യനുമായും
മറ്റ് റോബോട്ടുകളുമായുമെല്ലാം ആശയ വിനിമയം നടത്തുവാന്‍ കഴിവുള്ളവയായിരിക്കും.
ഇപ്രകാരമുള്ള റോബോട്ടുകളെ കൊളാബറേറ്റീവ് റോബോട്ടുകള്‍ അഥവാ കോബോട്ടുകള്‍ എന്ന്
വിളിക്കുന്നു.
3.
സിമുലേഷനുകള്‍
ഇന്ന് നാമുപയോഗിക്കുന്ന 3 ഡി സിമുലേഷനുകള്‍ക്ക്
പുറമേ ഇതേ കാര്യം ഫിസിക്കല്‍ വേള്‍ഡില്‍ സാധ്യമാണ് ഇന്ഡസ്ട്രി 4.0 ല്‍.
4.
സിസ്റ്റം ഇന്‍റഗ്രേഷന്‍
കമ്പനികളുടേയും വിവിധ ഡിപ്പാര്‍ട്ട്മെന്‍റുകളുടേയും
വികസനത്തിലൂടെ കമ്പനിയുടെ കരുത്തും കാര്യക്ഷമതയും വര്‍ദ്ധിപ്പിക്കുവാന്‍ സാധിക്കും.
5.
ഇന്‍ഡസ്ട്രിയല്‍ IoT
എംബഡ്ഡഡ് കമ്പ്യൂട്ടിങ്ങിന്‍റെ കാലഘട്ടത്തില്‍
കമ്പനിയിലെ ഡിവൈസുകള്‍ക്ക് കൂടുതല്‍ കേന്ദ്രീകരണ നിയന്ത്രണം സാധ്യമാകും. വര്‍ക്ക്
സ്റ്റേഷനുകള്‍ക്ക് ഓരോ പ്രോഡക്ടിലും ഏത് തരം ഓപ്പറേഷന്‍സ് നടത്തണമെന്ന് അറിയുവാന്‍
സാധിക്കും.
6.
സൈബര്‍ സെക്യൂരിറ്റി
ഇന്നത്തെ പല കമ്പനികളും ക്ലോസഡ് പ്രൊഡക്ഷന്‍
സിസ്റ്റത്തെയാണ് ആശ്രയിക്കുന്നത്. എന്നാല്‍ ഇന്ഡസ്ട്രി 4.0 ല്‍ സൈബര്‍
സെക്യൂരിറ്റിക്കുള്ള സ്ഥാനം വളരെയധികം പ്രാധാന്യം അര്‍ഹിക്കുന്നയൊന്നായിരിക്കും. സൈബര്‍
കുറ്റകൃത്യങ്ങളില് നിന്നൊക്കെ സിസ്റ്റത്തെ സംരക്ഷിക്കേണ്ടതുണ്ടുവെന്നതിനാല്‍ കര്‍ക്കശ്ശവും
സുരക്ഷിതവുമായ സൈബര്‍ സെക്യൂരിറ്റിയാണ് ആവശ്യമായി വരിക.
7.
ക്ലൌഡ്
ക്ലൌഡധിഷ്ഠിത സോഫ്റ്റ്വെയറുകള്‍ ഇപ്പോള്‍ത്തന്നെ
കമ്പനികള്‍ ഉപയോഗിക്കുന്നുണ്ടുവെങ്കിലും ഇന്ഡസ്ട്രി 4.0ല്‍ ഇതിന്‍റെ പ്രാധാന്യം
വളരെ വലുതായിരിക്കും. ഭാവിയിലെ ഫാക്ടറികളിലെ പ്രസസ്സുകളെ നിരീക്ഷിക്കുന്നതും
നിയന്ത്രിക്കുന്നതും ക്ലൌഡ് വഴിയായിരിക്കും.
8.
ഓഗ്മെന്‍റഡ് റിയാലിറ്റി (AR)
ഓഗ്മെന്‍റഡ് റീയാലിറ്റി എന്ന സാങ്കേതിക വിദ്യ
വളരെ വിപുലമായ തോതില്‍ ഉപയോഗിക്കുവാനുള്ള സാധ്യതയാണ് ഇന്ഡസ്ട്രി 4.0 ലുള്ളത്.
ഫാക്ട്റി യൂണിറ്റുകളില ജോലി ചെയ്യുന്നവര്‍ക്ക് പ്രൊഡക്ഷന്‍ ലൈനിലെ വൈവിധ്യമാര്‍ന്ന
ശൈലിയെക്കുറിച്ചും ഘടകങ്ങളെക്കുറിച്ചും റിയല്‍ ടൈമില്‍ ഇന്‍ഫര്‍മേഷന്‍ നല്‍കുക വഴി
തീരുമാനങ്ങള്‍ അപ്പോഴപ്പോള്‍ എടുക്കുവാന്‍ കഴിയും.
9.
അഡിറ്റീവ് മാനുഫാക്ചറിങ്ങ് (AM)
അഡിറ്റീവ് മാനുഫാക്ചറിങ്ങ് എന്ന
സാങ്കേതിക വിദ്യ ഇന്ഡസ്ട്രി 4.0 ല്‍ വ്യാപകമായി ഉപയോഗപ്പെടുത്തുവാന്‍ കഴിയുന്നയൊന്നാണ്.
ഇതിലൂടെ ചെറിയ ബാച്ചുകളില്‍ സങ്കീര്‍ണ്ണമായ ഡിസൈന്‍ ഉപഭോക്താക്കളുടെ
കയ്യിലേക്കെത്തിക്കുവാന്‍ കഴിയും.
ഇന്ഡസ്ട്രി 4.0 എന്തിന്
ഒരു ഇന്‍ഡസ്ട്രിയുടെ സമ്പൂര്‍ണ്ണമായ എന്‍ഡ് ടു
എന്‍ഡ് ഡിജിറ്റലൈസേഷനാണ് ഇതിന്‍റെ പ്രധാന ലക്ഷ്യം. ഫിസിക്കല്‍ അസറ്റുകളുടെ
സംയോജനത്തിലൂടെ ഒരു ഡിജിറ്റല്‍ ഇക്കോ സിസ്റ്റം വികസിപ്പിച്ച് ഫിസിക്കല്‍ - സൈബര്‍
- ബയോളജിക്കല്‍ വേള്‍ഡുകളുടെ സംയോജനത്തിലൂടെ ഡേറ്റകളെ ജനറേറ്റ് ചെയ്ത്, അനലൈസ്
ചെയ്ത്, സുതാര്യമായി കമ്യൂണിക്കേറ്റ് ചെയ്ത്ബിസിനസ്സ് വാല്യൂ ഉണ്ടാക്കിയെടുക്കുക എന്നതാണ്
ഇതിന്‍റെ ലക്ഷ്യം.
നിരവധി കമ്പനികള്‍ നാലാം വ്യാവസായിക വിപ്ലവത്തിലേക്കുള്ള പ്രയാണം തുടങ്ങി കഴിഞ്ഞു. പ്രധാനമായും മാനുഫാക്ചറിങ്ങ് രംഗത്താണ് തുടക്കം എന്നാല്‍ സാധാരണ ജനങ്ങളെ നേരിട്ട് ബാധിക്കുന്ന സ്മാര്‍ട്ട് ഗ്രിഡ് പോലുള്ള സെക്ടറുകള്‍ക്ക് ഇത് മൂലം നിരവധി ആനുകൂല്യങ്ങള്‍ ലഭിക്കുമെന്ന് പ്രതീക്ഷിക്കപ്പെടുന്നു.
ഇന്ത്യയും മാറി നില്‍ക്കുന്നില്ല
UNIDO യുടെ 2016 ല്‍ പുറത്ത് വന്ന ഇന്‍ഡസ്ട്രിയല്‍ സ്റ്റാന്‍ഡേര്‍ഡ് പ്രകാരം ആദ്യത്തെ 10 മാനുഫാക്ചറിങ്ങ് സ്ഥാപനങ്ങളി‍ല്‍ ആറാം സ്ഥാനത്തുള്ള ഇന്ത്യക്ക് ഈ നൂതന മാനുഫാക്ചറിങ്ങ് മേഖലയില്‍ വിലപ്പെട്ട സംഭാവന നല്‍കുവാന്‍ കഴിയും.
·
ഇന്ത്യയിലെ
സ്റ്റാര്‍ട്ട് അപ് സംരംഭങ്ങള്‍ക്ക് ഈ രംഗത്ത് നിരവധി സംഭാവനകള്‍ നല്‍കുവാന്‍
കഴിയും.
·
താരതമേന്യ
കുറഞ്ഞ നിരക്കില്‍ ഇതിനാവശ്യമായ സോഫ്റ്റ്വെയറുകള്‍ നമുക്ക് നിര്‍മ്മിക്കാകും.
·
ഇന്ത്യയിലെ
COVACSIS പോലുള്ള കമ്പനികള്‍ ഇന്ഡസ്ട്രി
4.0 അധിഷ്ഠിത ഫ്രെയും വര്‍ക്കിനെക്കുറിച്ച് അതിനാവശ്യമായ ഒരു സസ്റ്റയനബിള്‍ സെല്‍ഫ്
– റിലയബിള്‍ പ്ലാറ്റ് ഫോം ഡവലപ് ചെയ്യുവാന്‍ ശ്രമ തുടങ്ങിയിട്ടുണ്ട്.
·
ഇന്ത്യ
ഗവണ്‍മെന്‍റിന്‍റെ മേക്ക് ഇന്‍ ഇന്‍ഡ്യ ഇതിനാക്കം കൂട്ടുമെന്ന് പ്രതീക്ഷിക്കുന്നു.
ഇന്ത്യയിലെ ഒന്നാമത്തെ സ്മാര്‍ട്ട്
ഫാക്ടറി - ഇന്ഡസ്ട്രി 4.0 – ബാംഗ്ലൂരില ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്‍
ക്യാമ്പസില്‍ ബോയിങ്ങ് കമ്പനിയുടെ
ഫണ്ടിങ്ങോടെ പ്രവര്‍ത്തനം ആരംഭിച്ചു. സെന്‍റര്‍ ഫോര്‍ ഡിസൈന്‍ ആന്‍ഡ്
മാനുഫാക്ചറിങ്ങ് (CPDM) എന്നാണ് പേര്.
ലോകം നാലം വ്യാവസായക
വിപ്ലവത്തിലേക്ക് കുതിക്കുമ്പോള്‍ വിദ്യാഭ്യാസമുള്ള യുവ തലമുറക്ക് വ്യത്യസ്ത
സംരംഭങ്ങളായി മുന്‍പോട്ട് വരേണ്ടതാണ്.
